Бугарскиот културен центар „Иван Михајлов“ избришан од Централниот регистар

March 22, 2023
1 min read

Централниот регистар го избриша бугарскиот центар откако министерот за правда Кренар Лога минатата недела го одби како неосновано барањето на бугарското здружение во Битола за употреба на името Иван Михајлов во својот назив

Бугарскиот културен центар „Иван Михајлов“ во Битола е избришан од Централниот регистар.

Принтскрин: Централен регистар

Централниот регистар го избриша центарот откако министерот за правда Кренар Лога минатата недела го одби како неосновано барањето на бугарското здружение во Битола за употреба на името Иван Михајлов во својот назив.

Ваквата одлука, пак, Лога ја втемели на претходно добиеното негативно мислење од страна на Комисијата за употреба на имиња и личности во врска со барањето за употреба на името Иван Михајлов, поднесено од страна на здружението Културен центар ,,Иван Михајлов“ – Битола. 

Во образложението од Правда за ваквата одлука, тогаш беше наведено дека името на Иван (Ванчо) Михајлов претставува навреда и провокација на националните чувства на македонскиот народ, со оглед на тоа што се работи за личност блиска со фашистичката идеологија, која со своето дејствување ги негирала македонскиот идентитет, јазик и култура, притоа предизвикувајќи омраза во македонското општество.

Во реакција на одлуката на министерот за правда, претседателот на културниот центар „Иван Михајлов“ во Битола, Љупчо Георгиевски, во објава на Фејсбук минатата недела напиша дека името кое го носи културниот центар не е запишано во централните регистри, туку, како што вели, во срцата на луѓето во Македонија.

Додаде и дека македонските Бугари знаат по кој пат треба да оди Македонија и потенцира дека ќе стигнат дури и до Судот во Стразбур барајќи ги своите права.

Бугарските клубови „Иван (Ванчо) Михајлов“ од Битола и „Цар Борис Трети“ од Охрид заклучно со 16 февруари годинава требаше да поднесат барање до Централниот регистар за смена на своите имиња, согласно измените во Законот за фондации и здруженија.

Законските измени, според кои овие два клуба требаше да поднесат барање за смена на своите имиња, предвидуваат забрана граѓански здруженија, фондации и политички партии да користат имиња, прекари, псевдоними кои се поврзани со фашизам, нацизам, геноцид, Третиот рајх и сл.

Законот предвидува дека одобрение за употреба на име, презиме, прекар, псевдоним, кратенка или иницијали на историска личност, дава министерот за правда по претходно добиено позитивно мислење од Комисијата за употреба на имиња на историски личности, која ја формира самиот министер.

ИЗВОР: 360stepeni.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

МНР светна во боите на Германија по повод утрешната посета на Бербок

Следно

(ВИДЕО) Аријан Адеми заминува од Динамо Загреб, соиграчите со емотивни пораки се збогуваа со него

Latest from Blog

Тоневски: Пробиштип со подобри услови за итни медицински интервенции

Две нови, современо опремени амбулантни возила пристигнаа во ЈЗУ Здравствен дом „Нада Михајлова“ во Пробиштип, информира градоначалникот Тони Тоневски. Според него, возилата ќе придонесат за подобри услови за работа на службата за

Николоски: Инвестираме меѓу 5 и 6 милијарди евра во коридорите 8 и 10, Македонија ќе стане вистинска крстосница на Балканот

Заменик-претседателот на Владата и министер за транспорт, Александар Николоски, денеска се обрати на 23. Виенски економски форум, каде што ја истакна важноста на регионалната економска соработка, заедничкиот настап на европскиот пазар и

Критичните суровини стануваат европски приоритет, потребни се нови инвестиции и модерно рударство

Европската Унија ја засилува финансиската поддршка за обезбедување критични суровини, препознавајќи ги како основа за идниот индустриски, енергетски и безбедносен развој на континентот. Како дел од измените на буџетот за периодот 2028–2034

Николоски во Виена: Економската соработка и стратешките инфраструктурни проекти во фокусот на 23. Виенски економски форум

Заменик претседателот на Владата, Александар Николоски e во работа посета на Виена, Австрија, каде учествува на 23-от Виенски економски форум. Оваа година Виенскиот економски форум се реализира под мотото “ Виенски дијалог

Проданоски: Граѓани и волонтери се обединија во акција за позелен Прилеп

Околу 500 садници беа засадени во близина на манастирот „Св. Димитриј“ кај прилепското село Селце, во акција организирана од Здружението „Сина револуција“, со поддршка од компанијата „Бехтел ЕНКА“. Во акцијата, организирана по
Go toTop