Вообичаено кога игра Манчестер Јунајтед, а посебно на “Олд Трафорд“. Тоа е спектакл на задоволство на фудбалските гурмани.Во меч од 37.коло, Јунајтед славеше против Нотингем Форест со 3:2 во дуел на некогашните европски шампиони.
Уште во 5.минута Шо погоди за 1:0 за домашните. Само што започна второто полувреме, Морато израмни на 1:1, за да Куња во 55.минута одново му носи водство на Јунајтед.
Се играше 76.минута кога Мбеумо стрелаше за 3:1, а Гибс-Вајт две минути подоцна намалува на 3:2.
До крајот домашните имаа шанси поубедлива победа. Овој меч беше последен за Каземиро на “Олд Трафорд“ па така тој се прости од домашните фанови.
Со оваа победа Манчестер Јунајтед и дефинитивно се избори за пласман во Лигата на Шампионите.
Бруно Фернандеш со 20-та асистенција го израмни рекордот на Тиери Анри и Кевин де Брујне, но има шанса во последното коло да дојде до својата 21 асистенција.
Извор: vecer.mk
