Спортскиот Центар Сарај во минатото беше едно од најпосетените излетнички места за скопјани, а со неговата реконструкција се враќа во својот полн сјај.
Градот Скопје информира дека во континуитет вложува во нови спортски содржини за сите свои граѓани со цел создавање навики за спортување и здрав живот кај сите генерации.
-Ги посетивме спортските терени во паркот Сарај, кои екипите на Град Скопје во соработка со општина Сарај, ги реконструираат. Со реконструкција на шест спортски игралишта во паркот и дополнителни четири спортско рекреативни содржини се враќа убавината на ова познато излетничко место. Екипите на Градот работат и на оформување на нови пристапни патеки до спортските терени и на реконструкција на останати содржини во паркот, соопшти Град Скопје.
ИЗВОР: skopjeinfo.mk
