Во Казан започна последниот ден од Самитот на БРИКС

МОСКВА (АА) – Во тек е последниот ден од Самитот на БРИКС во југозападниот руски град Казан, а главен белег е состанокот на БРИКС во регионален формат (BRICS Outreach) и БРИКС Плус, јавува Анадолу.

На овој состанок се вклучени земји што не се членки на БРИКС, но заинтересирани се за зајакнување на нивните врски со економскиот блок.

Организацискиот комитет на БРИКС соопшти дека на состанокот ќе учествуваат 36 земји, а 22 ќе бидат претставени од шефови на држави, меѓу кои и турскиот претседател Реџеп Таип Ердоган.

Присуствуваат лидери од Азија, Африка, Блискиот Исток и Латинска Америка, како и претставници на повеќе меѓународни организации. Руската делегација ја предводи претседателот Владимир Путин.

Путин, исто така, закажа неколку билатерални средби, меѓу кои и со палестинскиот претседател Махмуд Абас и генералниот секретар на ОН, Антонио Гутереш. Путин денес ќе одржи прес-конференција на која ќе го заврши тридневниот самит.

Вчера лидерите на БРИКС ја усвоија Декларацијата на Самитот во Казан, во која се сумирани исходот од самитот и мандатот на Русија како претседавач со БРИКС.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.