На вонредната седница на Советот на Општина Центар беше донесена одлука да се доделат 500.000 денари за населението од подрачјата кои беа погодени од земјотресите во Турција и Сирија.
Градоначалникот Горан Герасимовски кажа дека средствата ќе бидат донирани на посебна сметка на Фондот за солидарност на Црвениот Крст на Република Северна Македонија и овие средства ќе бидат доделени во знак на хуманост и солидарност.
– Сакам јавно да апелирам до сите граѓани да се мобилизираме и да се вклучиме со донации за помош и поддршка за настраданите, бидејќи секоја помош е неопходна и значајна. Седницата ја започнавме со едноминутно молчење и заедно со советниците и колегите изразивме сочувство за настраданите и нивните семејства во Република Турција и Сирија, напиша Герасимовски на Фејсбук.
ИЗВОР: skopjeinfo.mk
