(ФОТО) „Флајтрадар24“ ја открива маршрутата на авионот на Лавров преку Турција и Грција до Скопје

November 30, 2023
2 mins read

Летот на авионот со руската делегација на чело со Лавров траел повеќе од пет часа, поминувајќи околу четири илјади километри. Летајќи над Турција, Црното Море, авионот влегол во грчкиот воздушен простор и на крајот слета на Меѓународниот аеродром „Скопје“

Бугарија ја повлекла дозволата за прелет затоа што меѓу патниците во авионот била и портпаролката на руското МНР, Марија Захарова

Авионот со кој шефот на руската дипломатија Сергеј Лавров доцна синоќа допатува во Скопје за да учествува на Министерскиот совет на ОБСЕ прелетал преку воздушниот простор на Турција и Грција, иако претходно се очекуваше маршрутата да оди преку Бугарија, јави руската државна новинска агенција ТАСС.

Шефот на руската дипломатија Сергеј Лавров по пристигнувањето во Скопје и рутата на летот според „Флајтрадар“ / Фото: „Икс“ и „Флајтрадар“

Причина за промената на рутата на летот, според агенцијата, е тоа што бугарските власти одбиле да дозволат прелет на руски воздухоплов во кој се наоѓа портпаролката на Министерството за надворешни работи, Марија Захарова.

Летот на авионот со руската делегација на чело со Лавров, како што се наведува, траел повеќе од пет часа, поминувајќи околу четири илјади километри. Летајќи над Турција, Црното Море, авионот влегол во грчкиот воздушен простор и на крајот слета на Меѓународниот аеродром „Скопје“.

Маршрутата на летот е забележана и од „Флајтрадар24“, од чија мапа се гледа дека авионот на Лавров тргнал од Санкт Петербург, по што прелетувајќи над Црното Море, влегол во воздушниот простор на Турција, а потоа и на Грција, пред да слета кај Скопје.

Во нотата на бугарското Министерството за надворешни работи со кое не се дозволува прелет на воздухопловот преку нивниот воздушен простор, а која ја обезбедила руската новинска агенција, било наведено:

„Дозвола за учество на горенаведената средба во Скопје се дава на министерот за надворешни работи на Руската Федерација, Сергеј Лавров, и неговата придружна делегација во согласност со белешката… Дозволата не важи за директорот на одделот за информации и печатот на руското Министерство за надворешни работи, Марија Захарова, која се појавува на списокот со санкции, во согласност со важечките закони на ЕУ“.

Инаку, по долгата неизвесност околу доаѓањето на Лавров на Министерскиот совет на ОБСЕ во Скопје, тој синоќа околу 23 часот пристигна на Меѓународниот аеродром „Скопје“, каде што беше пречекан од рускиот амбасадор во земјава, Сергеј Баздникин.

Лавров во Скопје дојде по завршувањето на неформалната вечера на министрите за надворешни работи и делегациите на земјите членки на ОБСЕ, која се одржа во хотелот „Александар палас“. Тој отсуствува и од заедничката фотографија на учесниците на неформалниот собир во скопскиот хотел.

Шефот на руската дипломатија се размина со американскиот државен секретар Ентони Блинкен, кој во Скопје пристигна вчера попладне, а по завршувањето на неформалната вечера, околу 21 часот, се упати кон скопскиот аеродром и замина од земјава, за Израел.

Покрај Блинкен, вчеравечер околу 22:30 часот од Скопје замина и британскиот министер за надворешни работи Дејвид Камерон. Ниту шефот на европската дипломатија Жозеп Борел нема да има можност да се сретне со Лавров на состанокот во Скопје бидејќи и тој рано наутро замина од земјава.

Сепак, од заедничката прес-конференција со премиерот Димитар Ковачевски вчера во Владата, Борел порача дека доаѓањето на Лавров во Скопје е добра пригода за да може да слушне зошто Русија е осудена и изолирана, а потоа, како што рече, да му каже на господарот на Кремљ дека Европската Унија и ОБСЕ остануваат обединети во осудата на агресивното и незаконско однесување на Русија.

Инаку, прелетот и слетувањето на авионот на министерот за надворешни работи на Русија претходно беше одобрено од Владата и од надлежните министерства за надворешни работи и за одбрана. Прелет на авионот на Лавров во својот воздушен простор одобри и официјална Софија, но, според информациите, се предомислиле поради присуството на портпаролката на руското МНР, Захарова.

Поради доаѓањето на Лавров во Скопје, министрите за надворешни работи на Украина, Естонија, Летонија и Литванија го откажаа своето учество на Министерскиот совет. Овие земји се претставени на пониско ниво.

ИЗВОР: 360stepeni.mk

MARKETING

MARKETING

Претходно

Министерството за култура го објави конкурсот за Град на културата за 2024 година

Следно

Поранешниот германски претседател Кристијан Вулф предупреди на растечките антимуслимански чувства во Германија

Latest from Blog

Убиството во Штип организирано преку мобилна апликација

Основното јавно обвинителство во Штип отвори истрага против петмина турски државјани осомничени за убиството на 25-годишен сонародник, што се случи вечерта на 8 мај во угостителски објект на Градскиот плоштад „Слобода“. Судот

Алонсо подготвува историска промена во Мадрид

Во текот на наредните денови, Чаби Алонсо официјално ќе стане тренер на Реал Мадрид, почнувајќи од сезоната 2025/26, а мадридските медиуми веќе пишуваат за првите големи промени кои следат. Марка тврди дека

Денот на Европа одбележан во Скопје со едукативно-забавен настан „Европа низ детските очи“

Во Градскиот парк во Скопје, по повод Денот на Европа, Националната агенција за европски образовни програми и мобилност организираше уникатен настан посветен на децата. Под мотото „Европа низ детските очи“, во Македонија

Утре во Албанија се одржуваат парламентарни избори

Албанските граѓани утре излегуваат на парламентарни избори. Изборите се сметаат за одлучувачки за демократскиот пат на Албанија, нејзината посветеност во борбата против корупцијата и нејзината аспирација за влез во ЕУ. Со повик

„Плаја Виста“ некогаш и сега – спортско-рекреативниот центар слика за нашата (не)грижа и однос кон некогаш култните спортски објекти

Ваква беше сликата и атмосферата пред неколку децинии во спортско-рекреативниот центар под Кале. На зима и лете. Базенот Плаја Виста преполн со народ, рекреативно лизгање, но и професионален хокеј на мраз. И
Go toTop