Маж упаднал во сиропиталиште, убил девојче, повредил девет лица: Хорор во Полска

Нападот се случил во вторникот вечерта, а полицијата го уапсила напаѓачот и го истражува мотивот за нападот

Маж кој со нож влегол во сиропиталиште во Полска убил тинејџерка и повредил девет лица, соопшти денеска полицијата на градот Лоѓ.

Нападот се случил во вторникот вечерта, а полицијата го уапсила напаѓачот и го истражува мотивот за нападот, изјавила за државната телевизија портпаролката на полицијата Анета Собјерај.

„За жал, како резултат на нападот, 16-годишна тинејџерка, жителка на сиропиталиштето, почина на самото место, а пет лица се хоспитализирани“,

рече Собјерај, пренесе Ројтерс.

На останатите повредени им била укажана лекарска помош на местото на настанот.

Фото: EPA-EFE/LESZEK SZYMANSKI POLAND OUT