Египетскиот министер за надворешни работи, Шукри, утре во официјална посета на Туркије

АНКАРА (АА) – Египетскиот министер за надворешни работи, Самех Шукри, утре (четврток) ќе престојува во официјална посета на Туркије, соопшти турското Министерство за надворешни работи, јавува Анадолу.

Шукри ќе пристигне во Туркије на покана на турскиот министер за надворешни работи, Мевлут Чавушоглу.

„На средбите за време на посетата ќе се разговара за билатералните односи и регионалните случувања“, се вели во соопштението на Министерството.

Минатиот месец Чавушоглу и Шукри се сретнаа во египетскиот главен град Каиро каде што разговараа за билатералните односи и регионалните и меѓународните прашања, и се согласија на максимизирање на дипломатските односи.

Чавушоглу е првиот министер за надворешни работи на Туркије што го посетил Египет во последните 11 години.

Дипломатските односи меѓу Туркије и Египет се на ниво на вршители на должноста на двете страни по воениот удар во Египет во 2013 година, со кој беше соборен тогашниот претседател Мухамед Морси.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS).