Прегазени тројца пешаци за неколку часа во Скопје

1 min read

Во текот на вчерашниот ден биле регистрирани две сообраќајни незгоди во Скопје, при што со повреди се здобиле тројца пешаци.

Најпрво во 08.30 часот во СВР Скопје било пријавено дека на ул.„Иван Хаџи Николов“ во Скопје, патничко возило „фиат пунто“ со скопски регистарски ознаки, управувано од Б.Ј.(57) од с.Долно Лисиче, удрило во пешакот Ј.Т.(37) од Скопје.

Во несреќата со тешки телесни повреди се здобил пешакот, констатирани во Градската општа болница „Св.Наум Охридски“.

Потоа во 14.30 часот во СВР Скопје било пријавено дека во с.Визбегово, скопско, патничко возило „бмв“ со скопски регистарски ознаки, управувано од Џ.Ј.(52), удрило во пешаците Љ.С.(79) и И.Т.(61), двајцата од с.Визбегово.

Во несреќата со тешки телесни повреди се здобиле двајцата пешаци и возачот, констатирани во Комплексот клиники „Мајка Тереза“ и Градската општа болница „8 Септември“.

Извршен бил увид од увидна екипа од СВР Скопје.

ИЗВОР: skopjeinfo.mk

Претходно

Египетскиот министер за надворешни работи, Шукри, утре во официјална посета на Туркије

Следно

Oтворен повик за петтата генерација „Докуникулци“ на „МакеДокс“

Latest from Blog