АНКАРА (АА) – Бебето што 128 часа беше под урнатините по разорниот земјотрес во Туркије, по 54 дена повторно е со својата мајка, јавува Анадолу.
Три иполмесечната Ветин Бегдаш, која здравствените работници ја нарекоа „Гизем“, што значи „мистерија“ на турски, беше спасена во областа Хатај 128 часа по двата силни земјотреса што го погодија јужниот дел на земјата на 6 февруари.
Потоа девојчето било пренесено во болница во главниот град Анкара.
Министерката за семејство и социјални услуги на Туркије, Дерја Јаник, ѝ го предаде бебето на мајката Јасемин Бегдаш во областа Адана, каде што моментално се наоѓа на лекување.
Бебето и мајката биле споени благодарение на ДНК-тестот со кој се докажала врската. Таткото и двајцата браќа на бебето ги загубија животите во земјотресот во кој загинаа повеќе од 50.000 луѓе.
„Бебето е навистина чудо. Воодушевени сме од фактот што преживеа и немаше никакви здравствени проблеми. Таа сега е наше дете”, изјави Јаник.
Извор: www.aa.com.tr
