Октај за Анадолу: Туркије продолжува со напорите за меѓународно признавање на Турската Република Северен Кипар

April 1, 2023
1 min read

АНКАРА (АА) – Туркије продолжува со напорите да обезбеди меѓународно признавање на Турската Република Северен Кипар, изјави денес турскиот потпретседател Фуат Октај, јавува Анадолу.

„Постојат две рамноправни држави на островот. Постојат две суверени држави и ние сакаме тоа да биде признаено. Ги молиме пријателите на Туркије да го признаат тоа“, рече Октај за Анадолу за време на посетата на Турската Република Северен Кипар.

Изјавата на Октај дојде пред неговиот состанок со претседателот на Турската Република Северен Кипар, Ерсин Татар.

По „интензивните“ дипломатски напори, Октај истакна дека Турската Република Северен Кипар добила статус на набљудувач во Организацијата на туркиски држави за време на минатогодишниот Самит во Узбекистан.

„Туркије нема да дозволи уништување на муслиманското турско малцинство на островот“, нагласи Октај.

Анкара секогаш повторуваше дека го поддржува дводржавното решение за островот, втемелено на еднаков меѓународен статус и суверена еднаквост.

– Кипарско прашање –

Островот е блокиран во повеќедецениски спор меѓу кипарските Грци и кипарските Турци и покрај низата дипломатски напори за постигнување сеопфатно решение.

Етничките напади што започнаа во раните 1960-ти години ги принудија кипарските Турци да се повлечат во енклави заради својата безбедност.

Во 1974 година државниот удар на кипарските Грци, со цел грчка анексија на островот, доведе до воена интервенција на Туркије како гарантна сила за заштита на кипарските Турци од прогон и насилство. Турската Република Северен Кипар е основана во 1983 година.

Во изминатите години беше сведок на повремен мировен процес, вклучително и неуспешната иницијатива од 2017 година во Швајцарија под покровителство на земјите гаранти Туркије, Грција и Велика Британија.

Администрацијата на кипарските Грци беше примена во ЕУ во 2004 година, истата година кога кипарските Грци го спречија планот на ОН за ставање крај на долгогодишниот спор.

– Помош за погодените од земјотресот –

Потпретседателот на Туркије, Фуат Октај, во интервјуто накратко се осврна и на неодамнешната кампања „Туркије едно срце“, во чии рамки се собираа средства за поддршка на погодените од земјотресот на југот на земјата.

„Собрани се 84,4 милијарди турски лири (4,1 милијарди евра) што ќе се користат во согласност со нивните потреби“, рече Октај и додаде дека повеќе од 1.680.000 граѓани погодени од земјотресот добиле финансиска помош од 10.000 турски лири по домаќинство.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS).

Извор: www.aa.com.tr

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Мицкоски ја обвини Левица за коалицирање со СДСМ и ДУИ: Сите што се против владата да се обединат околу ВМРО-ДПМНЕ

Следно

Шојгу: Русија го зголеми производството на високопрецизно оружје

Latest from Blog

Проданоски: Буџетот за 2027 година го креираме со предлозите на прилепчани

Општина Прилеп ги заврши средбите со сите урбани заедници во градот во рамките на консултациите за подготовка на Буџетот за 2027 година. Градоначалникот Дејан Проданоски најави дека процесот продолжува со средби со

Николоски: Од 1 јануари само Државната лотарија ќе може да организира онлајн игри на среќа

Владата го измени Законот за игри на среќа, со кој јасно се ограничува организирањето на игри на среќа. Само Државната Лотарија ќе може да организира игри на среќа, дополнително се воведе ограничување

Божиновска: По три децении зависност од еден гасен правец, Македонија работи на нови врски со соседите

Македонија три децении зависела од само еден правец за снабдување со природен гас, а новите поврзувања со соседите треба да ја намалат таа зависност, порача министерката за енергетика, рударство и минерални суровини,

Битола не ги заборава своите херои: Одбележана 82-годишнината од формирањето на Првата егејска македонска ударна бригада

Во Битола свечено беше одбележана 82-годишнината од формирањето на Првата егејска македонска ударна бригада, со положување свежо цвеќе, оддавање почит и пригодна културно-уметничка програма. Одбележувањето се одржа пред спомен-плочата кај Територијалната противпожарна

Божиновска: Гасните врски со Грција и Србија се приоритет за посигурно снабдување

Гасните интерконектори со Грција и Србија, Вертикалниот гасен коридор и повторното ставање во функција на продуктоводот Солун–Скопје се меѓу проектите со кои Македонија работи на посигурно снабдување со енергија. Ова го истакна
Go toTop