Се уште траат преговорите на владините партнери ЗНАМ и ВМРО-ДПМНЕ околу настапот на локалните избори. Иако од партијата на Максим Димитриевски рекоа дека тие ќе настапат самостојно, сепак, поддршка ќе имаат меѓусебна бидејќи како што рече портпаролот на ЗНАМ Никола Мемов, таму каде што тие ќе имаат кандидат ВМРО-ДПМНЕ нема да кандидира свој, но дека ќе имаат заедничка поддршка уште во првиот круг. Информациите се дека од ЗНАМ ќе имаат свој кандидат за Центар што би требало да значи дека ВМРО-ДПМНЕ нема да настапи во оваа скопска општина.
-Доколку кандидатот за градоначалник на општина Центар биде од редовите на ЗНАМ, ВМРО ДПМНЕ во тој случај нема да има кандидат за Центар. Исто и во другите општини, каде што ќе имаме ние кандидат од ЗНАМ, тоа практично значи самостоен настап на ЗНАМ со взаемна поддршка со владиниот партнер ВМРО-ДПМНЕ, изјави портпаролот на ЗНАМ Никола Мемов.
ИЗВОР: ТВ 21
