Синдикалната подружница на работилницата на влеча на возови во Скопје се заканува со целосна блокада на железничкиот сообраќај. Работниците се жалат дека поради тоа што немаат греење во работните простории, што се случува втора година по ред, нивното здравје е нарушено. Во работилницата се сервисираат и се поправаат возовите пред да бидат пуштени во сообраќај.
Велат дека се принудени да работат во нехумани услови, без греење, а една третина од работниците се на боледување. Дополнителен проблем е што им доцни декемвриската плата.
Сметаат дека тоа што им се случува е последица од неодговорното работење на раководството на „Македонски железници – Транспорт“.
Извор: 24vesti.mk
