Додека властите во Украина објвуваат слики како жителите на Крим чекаат во ред за бензин и најавуваат скоро влегување на украинската војска на кримскиот полуостров, ситуацијата на теренот не оди во нивни прилог.
Украинците се шокирани од веста дека Русите го заземале битниот град Константиновка (пред војната со 78.000 жители), главен металуршки центар во северен Донбас, кој е клучна сообраќајна и стратешка точка за освојување на последните два града во Донбас, Славјанск (118.000 жители) и Краматорск (147.000 жители).
Веста ја потврди руската страна со објава на снимка од дрон но, главната потврда стата од независниот Институт за проучување на војната ISW од Вашингтон кој денес објави и мапа во која се гледа дека Контантиновка е во “жолта зона“ која обележува новоосвоени руски територии.
Константиновка е клучот за последното упориште на Киев во Донбас – агломерацијата Краматорск-Славјанск, објави Генералштабот на руската армија. Забележувајќи дека украинските сили ги симулирале резултатите, Генералштабот наведува дека непријателот претрпел катастрофални загуби во овој град – изгубиле 13.500 војници.
„Командата на украинската армија до последен момент бараше војниците да ја држат одбраната на Константиновка, обидувајќи се да ги убеди западните спонзори дека ситуацијата е под контрола. Градот сега е под целосна контрола на руската армија, која го завршува расчистувањето на населбите од преостанатите групи украински војници“, наведува Генералштабот.
Руските сили се борат во Николаевка и се наоѓаат на осум километри од периферијата на Славјанск. Руските единици што го ослободија градот сега се, заедно со силите на групата „Центар“, во офанзива за ослободување на Дружковка. Групата „Запад“ го завршува ослободувањето на Красни Лиман.
И оваа изјава на Рускиот генералштаб е потврдена денес од независниот ISW
„Украинските сили се потиснати неколку километри од Константиновка, а напаѓачките сили се борат на периферијата на Алексеевка и Дружковка“, се вели во соопштението.
Како што е наведено, Константиновка беше седмиот најголем административен центар на Донбас во однос на површината и населението на почетокот на 2022 година.
Од 2014 година, Киев го развива и зајакнува одбранбениот систем во градот по падот на градот Бахмут (Артјомовск), кој пред војната имал 71.000 жители.
Како изгледаше украинската одбрана
Украинскиот одбранбен систем се состоеше од две линии со повеќе од 150 километри бетонски заштити и ровови обезбедени со мински полиња.
Вооружените сили на Украина имаа повеќе од 80 сектори со разни пречки и 50 утврдени одбранбени јазли во Константиновка со постојан распоред на 15.000 украински војници.
„Втората одбранбена линија во Константиновка беше долга до 35 километри и беше изградена потпирајќи се на каскада од резервоари“, објави Генералштабот.
Украинскиот претседател Зеленски последниве две недели, воочи очекуваните одлуки за одобрување исплата на 90 милијарди евра од ЕУ и 140 милијарди евра од НАТО во пари и оружје за наредните три години се обидуваше да создаде победничка еуфорија и охрабрување за одлуките на спонзорите но, последните настани го демнатираат, особено што се потврдени од западните извори.
Токму во тој контекст пред два дена се појави изјава на пораешниот командант на украинската армија Валериј Залужни кој од Зеленски е разрешени и испратен за амбасадор во Лондон дека ќе се кандидира на наредните претседателски избори во Украина како противник на сегашниот претседател Зеленски.
Италијанската влада го блокира одобрувањето на пакетот за воена помош на НАТО за Украина за 2027 година во вредност од 79,8 милијарди долари, објави германскиот весник „Франкфуртер алгемајне цајтунг“ (ФАЗ), повикувајќи се на дипломатски извори. Ова го доведе во прашање продолжувањето на обврските за финансиска поддршка за Киев за следната година, пишува „The New Voice of Ukraine“
По сите овие настани еуфоријата на Зеленски станува контрапродуктивна на него: јавноста е разочарана од падот на Константиновка и скориот пад на уште две важни стратешки упоришта во градовите Купјанск (Регион Харков 26.000 жители пред војната) и Лиман (Красни Лиман, област Доњецк, 20.000 жители пред војната) што се очекува да се случи во текот на овој или идниот месец, и што е исто така потврдено со мапите на независниот ISW од Вашинтон.
Не е познато што ќе преземе Зеленски за да се дефокусира јавноста во однос на последните и скори губитоци но, на располагање има се помалку аргументи и средства.
Извор: vecer.mk
