Претседателот на Украина, Володимир Зеленски се очекува да пристигне во Лондон, каде ќе има средба со европските лидери и со лидерите на земјите-членки на НАТО.
По драматично прекинатата средба на претседателот на САД, Доналд Трамп и Зеленски во Белата куќа уследи поддршка за шефот на украинската држава од европските лидери.
Британскиот премиер Кир Стармер соопшти дека синоќа телефонски разговарал и со Трамп и Зеленски и најави дека денеска во Лондон ќе се одржи средба.
– Со нетрпение очекувам да им посака добредојде на странските лидери, вклучително и Зеленски на денешниот состанок посветен на Украина во Даунинг стрит 10, наведе Стармер.
Додека портпаролот на британската Влада посочи дека Стармер „ја потврди својата непоколеблива поддршка за Украина и ќе ја одигра својата улога во отворањето на патот за траен мир заснован на суверенитетот и безбедноста на Украина“.
Во меѓувреме Зеленски на Телеграм објави дека е „многу важно“ да се „слушне и да не се заборави“ Украина.
– Луѓето во Украина мора да знаат дека не сме сами, дека нивните интереси се застапени во секоја земја, во секој агол на светот, наведе Зеленски, при тоа заблагодарувајќи се на светските лидери за поддршката.
Извор: 24vesti.mk
