Пратеникот од ВМРО-ДПМНЕ, Игор Здравковки во 24 анализа на ТБ24 рече дека Македонија, како ниту една друга држава досега има направено многу отстапки во евроинтегративните процеси. Тој порача дека сегашната Влада се обврзува да ги почитува административните барања но не и да продолжи да прави отстапки.
„Евроинтегративните процеси веќе 20 години тапкаат во место. Имаме реформска агенда која е прифатлива за Македонија. Се обрзуваме да ги спроведеме сите работи кои ни се домашна задача со цел да ги исполнеме сите критериуми. За суштински реформи е потребно време и волја. Она што може да се направи без пари го правиме, за она за кое што се потребни пари, ќе ни треба време . Реформската агенда има одредени рокови кои треба да ги следиме со цел да добиеме грантови или кредити.“, рече Здравковски.
Тој потенцираше и дека приклучувањето во Европската Унија значи приближување до нејзините критериуми и стандарди. Како што објасни тој, за сите досегашни одлуки кои биле донесени од СДСМ а биле значајни за евроинтегративниот процес, никогаш не биле консултирани како опозициска партија.
„Ние секогаш баравме СДСМ да не консултира но никогаш не не консултираа. Не е само ние да смениме Устав и да почнеме преговори туку тие преговори треба да завршат некогаш. Вака конципирано на секое поглавје и на почеток и на крај можеме да сме блокирани и затоа нудиме опција која се надеваме дека ќе е прифатлива за ЕУ а тоа е Уставни измени со одложено дејствие“, додаде Здравковски.
Извор: 24vesti.mk
