Годинашните Оскари беа уште една одлична година за Канскиот филмски фестивал, со оглед на тоа дека „Анора“, кој освои пет награди меѓу кои најдобар филм, најдобра режија и најдобра актерка, лани победи во Кан и стана четвртиот добитник на Златна палма што освоил и Оскар за најдобар филм.
Историјата покажува дека Академијата за филмска уметност и наука ги фаворизираше филмовите што ќе се прикажат на Венецискиот филмски фестивал, што се смета за неофицијален почеток на сезоната на награди. Изминатите години по премиерите во Венеција, филмовите како „Бирдмен“, „12 години ропство“ , „Земја на номади“, „Под лупа“ и „Обликот на водата“, сите освоија Оскар за најдобар филм. Но, во последно време, сѐ повеќе се чувствува влијанието на Кан.
Минатата сезона, филмовите како „Зона на интерес“, „Убијци на цветната месечина“, „Анатомија на падот“, „Совршени денови“, „Четири ќерки“ и „Роботски соништа“, после Кан или добија номинација или Оскар.
Годинава не беше само „Анора“, меѓу другите големи победници во Кан беа и „Проток“, „ Супстанција“ и „Емилија Перез“, додека меѓу номинираните беа „Приправник“, „Семето на светата смоква“, „Девојката со игла“ и краткиот „Човекот што не можеше да молчи“.
Со девет победи од 31 номинација, се верува дека е рекордна година на Оскарите за филмови од Кан. Тоа е голема бројка во споредба со филмовите кои се прикажаа на Венецискиот филмски фестивал, како на пример „Бруталист“ и „Уште сум тука“ , кои добија 3, односно 1 Оскар, но големите фаворити како „Бејбигрл“, „Соседната соба“ и „Џокер: Лудило за двајца“ не успеаја да ја импресионираат Академијата. Дури и „Марија“ со Анџелина Џоли имаше само една номинација за Оскар.
Пресвртот кон Кан почна да се забележува во 2020, кога „Паразит“ стана првиот добитник на Златна палма после „Марти“ од 1955 година. Како прв филм на странски јазик што го освои Оскарот, тој стана и симбол на нова, поглобална Американска филмска академија.
Со промените направени во базата на гласачи во последниве години, повеќе од 75 земји сега се претставени со 20 оттсо кои живеат надвор од САД. После „Паразит“, кандидатите за Оскар за странски јазици се во пораст, а многу од нив доаѓаат директно од Кан.
ИЗВОР: sdk.mk
