Претходните прекини на огнот теоретски се движеа од 24 до 72 часа, но беа постојано прекршувани во конфликтот што изби на 15 април меѓу суданската армија и паравоените сили. Двете страни меѓусебно се обвинуваат за прекршување на примирјето и продолжуваат со борбите и покрај предупредувањата дека може да прераснат во катастрофална граѓанска војна
Суданските вооружени сили и паравоените сили за брза поддршка – двете завојувани страни во Судан – постигнаа начелен договор за седумдневен прекин на огнот, и покрај тоа што воздушните напади на главниот град Картум го нарушија последното во низата краткотрајни примирја договорени од двете страни.
Двете страни, исто така, рекоа дека ќе испратат свои претставници на мировни разговори што ќе се одржат на договорено место по нивен избор, соопшти Министерството за надворешни работи (МНР) на Јужен Судан.
Претходните прекини на огнот теоретски се движеа од 24 до 72 часа, но беа постојано прекршувани во конфликтот што изби на 15 април меѓу суданската армија и паравоените сили. Двете страни меѓусебно се обвинуваат за прекршување на примирјето и продолжуваат со борбите и покрај предупредувањата дека може да прераснат во катастрофална граѓанска војна.
Со оглед на претходните прекршувања на договорените прекини на огнот, сè уште не е сигурно дали прекинот на огнот меѓу армијата на суданскиот воен командант Абдел Фатах ал-Бурхан и генералот Мохамед Хамдан Дагал, кој ги предводи паравоените сили за брза поддршка, ќе се одржи од 4 до 11 мај.
Од почетокот на војната пред три недели, повеќе од 100 000 луѓе го напуштија Судан. Според Обединетите нации (ОН), во борбите загинале најмалку 528 луѓе, а најмалку 4 599 се ранети, иако овој број може да биде поголем.
Извор: 360stepeni.mk
