Затворени стотина училишта во Јапонија по испратени закани за поставени бомби

January 26, 2023
1 min read

Во училишните згради не е пронајден експлозив, а засега нема информации за напади врз ученици и наставници. Поради заканите, многу училишта биле затворени како мерка на претпазливост, иако повеќето од нив се повторно отворени

Јапонската полиција трага по лице кое испратило предупредувања за поставени бомби и смртни закани до стотици училишта, што довело до нивно затворање, пишува Би-би-си.

Заканите биле испратени по факс до средните училишта и универзитетите од број регистриран во Токио. Во Јапонија сè уште најчесто се користат факс машини. Во училишните згради не е пронајден експлозив, а засега нема информации за напади врз ученици и наставници.

Заканите за бомби се ретки во Јапонија, која е позната по ниската стапка на криминал. Првиот бран пораки започнал во понеделникот до училиштата и универзитетите ширум земјата. Во една префектура, Саитама, повеќе од 170 училишта добиле закани за бомби.

Локалните медиуми објавија дека во една порака се тврдело оти биле поставени повеќе од 330 бомби, додека друга гласела: „Поставив голема бомба“. Некои извештаи велат дека со пораките се барале откупнини од 300 000 јени (2 320 долари) до 3 милиони јени.

Во вторникот, пораки со закани за убивање на ученици и професори со рачно изработено оружје биле испратени од истиот број до средните училишта во различни префектури, вклучително и Осака, како и Саитама и Ибараки во близина на Токио. Поради заканите, многу училишта биле затворени како мерка на претпазливост, иако повеќето од нив се повторно отворени.

Извор: 360stepeni.mk

VERO JUMBO MACEDONIA

EVN MACEDONIA

MARKETING

Претходно

Ќе се реконструира патот од Хиподром кон Илинден

Следно

Голем руски ракетен напад врз Украина

Latest from Blog

Салата со бело сирење и лаванда: Невообичаена комбинација од мирис и вкус

Парче бело сирење носи совршена рамнотежа помеѓу блага соленост и кремаста текстура, што ја прави оваа салата особено вкусна. Нејзината хранлива вредност и богатството со протеини се идеални за лесни, но заситувачки

Меџити: На 19 октомври победува иднината на Чаир

Скопје – Првиот вицепремиер и кандидат за градоначалник на општина Чаир, Изет Меџити, вечерва оддржа собир во населбата Серава, кој прерасна во „трибина со ентузијазам, енергија и верба во победата“. „На 19

Николоски: Следува убедлива победа во Неготино, победуваме силно уште во прв круг

Потпретседателот на ВМРО-ДПМНЕ, Александар Николоски вечерва е во Неготино од каде најави убедица победа на локалните избори идниот месец. -Денес во Неготино со новиот кандидат за градначалник Марија Нацева имавме состанок со

Коњановски: Од граѓаните до институциите – заеднички кон модерна Битола

Битола – Градоначалникот на Општина Битола, Тони Коњановски, денеска оствари средби со граѓаните од урбаните заедници во централното градско подрачје. Во рамки на кампањата „Предложи идеја“, жителите имаа можност директно да ги

Анџелина Џоли го смени имиџот, фановите се шокирани од новата фризура (ФОТО)

Познатата актерка моментално е во Лондон за снимањето на новиот филм „Anxious People“, а папараците ја фотографираа со светло руса кратка коса, предизвикувајќи изненадување кај нејзините обожаватели, со оглед на тоа што
Go toTop