Епидемиско труење со храна во основното општинско училиште „Ѓорѓија Пулевски“ општина Аеродром – државниот здравствен и санитарен инспекторат ги чека резултатите од направениот вонреден инспекциски надзор за да ги потври првичните сомнежи, дека 140 ученици од прво до четврто одделение се затруле од храна откако јаделе мусака и благи бомбици. Храната во училиштето се набавува од надворешен оператор.
Од вкупно 360 ученици кои се хранат во целодневна настава, околу 140 ученици се со исти или слични симптоми информира директорот на училиштето Александар Филипчев.
Учениците се пожалиле на стомачни тегоби, дијареа и повраќање, нема болнички хоспитализирани. Во сите одделенија од прво до четврто денеска, додека траеше земањето мостри не се одржуваше настава. Од Државниот здравствен и санитарен инспекторат од одделението за епидемиологија при центарот за јавно здравје велат дека се во тек анализите.
– По добиените пријави ќе се изврши епидемиолошка анкета очекуваме како инспекторат да бидеме известени од нивна страна дека се работи за епидемиско труење со храна и ќе се постапи согласно Националниот протокол. ДЗСИ е во постојана комуникација со надлежните органи за понатамошно постапување. – ДЗСИ.
Од училиштетото официјално не го обелоденија името на фирмата која ја подготвува храната, рекоа дека во интерес на истрагата ќе ги почекаат резултатите по што во рамки на законските надлежностои ќе одлучат дали ќе го менуваат операторот.
Извор: 24vesti.mk
