Градоначалникот на Општина Центар, Горан Герасимовски, најави дека синоќа започна новогодишното украсување на улиците. „Со внимателно избрани декорации, елки и светлосни фигури, сакаме да создадеме празнична атмосфера која ќе ги обедини нашите сограѓани“, истакна Герасимовски.
Празничните декорации ќе бидат поставени на познатите локации како Сквер Јадран, Боемска, Сквер Капиштец и парк Капиштец. Покрај тоа, ќе бидат поставени дрвени куќички и зимски украси. На плоштадот „Јадран“ ќе се одржи новогодишен базар со бројни настани и забави, а се планираат и настапи на македонски музичари.
„Целта е да го поттикнеме заедничкото празнување и да ја збогатиме атмосферата во пресрет на Новата година. Празничното украсување ќе трае до 2 декември“, додава Герасимовски.
ИЗВОР: ТВ 21
