– Франција е решена да се бори против дух – флотите, каде и да се во светот.
Утрово, на повеќе од 450 наутички милји јужно од Реинион, нашата Национална морнарица се качи на танкерот DF Peak, за кој се сомнева дека пловел под лажно знаме и бил вклучен во нелегални активности за транспорт на гориво.
Оваа акција, спроведена во согласност со меѓународното поморско право, ја покажува нашата решеност да го почитуваме владеењето на правото и да се бориме против секаков нелегален шверц, каде и да се случува, објави францускиот претседател Емануел Макрон.
Францускиот претседател Емануел Макрон денеска изјави дека западните сојузници не смеат да попуштаат пред „руската закана“, реагирајќи на серијата одлуки и изјави на американскиот претседател Доналд Трамп – вклучително и договорот за дизел-гориво и најавата за енергетско примирје – кои создаваат впечаток дека ѝ одат во прилог на Москва.
За време на посетата на Автомобилскиот саем во Париз, Макрон истакна дека во моментов нема никакви фактички причини за промена на досегашниот став кон војната во Украина, пренесе весникот „Депеш“.
– Сепак, фактите покажуваат дека Русите продолжиле да ја бомбардираат енергетската инфраструктура и во изминатите часови. Сите мора сериозно да ги сфатиме фактите. Русија продолжува да ги бомбардира и цивилите и инфраструктурата во Украина. Затоа, да за барањето прекин на огнот кога станува збор за енергетиката, но не и за попуштање пред руската закана. Да за изнаоѓање начин да се запрат нападите врз енергетските објекти, а би додал и врз објектите во Црното Море, како и за продолжување на мировните преговори. Не за отстапки пред руските закани – порача Макрон, најавувајќи дека во текот на денот ќе разговара со Трамп.
Францускиот претседател реагираше откако Трамп вчера соопшти дека стапува во сила енергетското примирје меѓу Русија и Украина.
По изјавата на Трамп, украинскиот претседател Володимир Зеленски ја информираше претседателката на Европската комисија, Урсула фон дер Лајен, за серијата нови руски напади врз украинскиот енергетски сектор регистрирани веднаш по најавата на американскиот претседател.
Извор: vecer.mk
