Започна фестивалот „Сан Фермин“ во шпанскиот град Памплона

ПАМПЛОНА (АА) – Во Памплона, шпанската автономна покраина Невара, почна традиционалниот фестивал „Сан Фермин“, известува Анадолу.

Голем број туристи присуствуваа на отворањето на фестивалот, што започна со испукување ракета, која се нарекува „chupinazo“.

Фестивалот „Сан Фермин“ се одржува секоја година во период од 6 до 14 јули, а оваа година ракетата ја активираше претседателот на Фудбалскиот клуб Осасуна, Луис Сабалза.

Најпознатата манифестација на фестивалот е „encierro“, односно трчањето со бикови по тесните улици во центарот на Памплона.

„Сан Фермин“ има традиција која датира уште од средниот век, а Памплона во деновите на одржување на фестивалот е домаќин и на бројка до 1,5 милиони туристи.

Деветдневната прослава на фестивалот „Сан Фермин“ ја популаризираше писателот Ернест Хемингвеј, добитникот на Нобелова награда за книжевност, во својата новела „Сонцето повторно изгрева“, објавена 1926 година.