Одредбата која предвидува интонирање на химната во училиштата да се тргне од предлог законот за средно образование, а ова според министерката, Весна Јаневска не претставува некој голем проблем.
Новиот предлог-закон беше повлечен од Собранието, бидејќи не беше добро прифатен ниту од владејачките партнери ВРЕДИ, ниту од опозицискиот Европски фронт. Јаневска рече дека се уште се работи на неколку членови, а предлог законот ќе биде готов во периодот од 20 до 25 јануари, по што повторно ќе биде доставен до Собранието.
Блерим Беџети од Европскиот фронт, прашан што би направиле доколку се врати законот со одредбата за химната, рече дека остануваат на истиот став.
„Нашиот став е цврст и конзистентен, ниту едно решение што наметнува моноетничност и го нарушува духот на меѓуетничкиот соживот не е прифатливо, особено законските решенија кои се однесуваат на помладите генерации. Овој закон е чекор назад во оваа насока и неприфатлив за мултиетничка држава како Северна Македонија.“, вели Беџети.
Министерката Јаневска денеска посочи дека во моментов нема комуникација со Европскиот фронт по ова прашање, но имала претходно кога таа била присутна во Собранието. Потврдува дека се во комуникација со владејачките партнери ВРЕДИ во врска со новиот нацрт-текстот кој повторно ќе биде доставен на одобрување.
ИЗВОР: ТВ 21
