ЏЕНИН (АА) – Речиси 80 отсто од домовите во палестинскиот град Џенин претрпеле оштетувања од израелската воена операција, соопшти заменик-гувернерот на градот, Камал Абу ал-Руб, јавува Анадолу.
Израелската армија се повлече од Џенин рано утрово, завршувајќи ја својата најголема воена операција во градот во повеќе од 20 години.
Во офанзивата загинаа најмалку 12 Палестинци, а повеќе од 100 се повредени, според податоците на палестинското Министерство за здравство.
Израелските напади, кои започнаа во понеделникот, оставија зад себе трага на деструкција низ градот на Западниот Брег.
„Куќите и инфраструктурата претрпеа голема штета во офанзивата“, изјави Ал-Руб за Анадолу денес. „Речиси 80 отсто од домовите во бегалскиот камп Џенин се или уништени, оштетени или, пак, изгорени“, додаде тој.
Според новинарот на Анадолу, во бегалскиот камп Џенин има околу 1.000 станбени единици во кои живеат 15.000 Палестинци.
Абу ал-Руб истакна дека во израелската операција се оштетени и десетици возила и инфраструктурни линии.
Израелската офанзива предизвика бран осуди од неколку земји, меѓу кои и од Туркије, Јордан, Египет, Индонезија и други.
Извор: www.aa.com.tr
