Преку законска измена се забрануваат нелегалните онлајн коцкарници, министерот за дигитална трансформација, Стефан Андоновски за студио 10 на ТВ 24 објаснува дека во Македонија ниту една приватна институција нема лиценци за приредување онлјан игри на среќа, но дека, сепак, се присутни.
Детектирани се околу 160 провајдери што се присутни на македонскиот пазар, а немаат лиценца за организирање онлајн игри на среќа. Тој вели дека се известени за измените глобалните приредувачи на игри на среќа што не добиле и никогаш не аплицирале за лиценца во Македонија.
Од Асоцијацијата на спортски обложовалници за телевизија 24 велат дека овие промени позитивни и не може било кој да приредува игри на среќа во земјава а да немааат соодветни лиценци.
Во собраниска процедура се влезени измените на Законот за електронски комуникации, а Андоновски очекува предлог- измените на законот да бидат прифатени од сите политички партии во Парламентот.
Според надлежните ова е еден од начините да се спречи младите да имаат пристап до нелегалните онлјан игри на среќа и да споделуваат податоци што може лесно да бидат злоупотребени.
Извор: 24vesti.mk
