ЗА СИТЕ НЕВРАБОТЕНИ ЛИЦА: „Втора шанса“ за завршување на средно стручно образование

January 18, 2023
1 min read

Агенцијата за вработување на Република Северна Македонија ги повикува сите невработени лица да го дооформат своето средно стручно образование преку најновата пилот програма „Втора шанса“. Програмата се спроведува во рамки на ИПА проектот „Активација на ранливи групи на пазарот на трудот“, финансиран од Европската Унија, спроведуван од Агенцијата за вработување на Република Северна Македонија. Преку „Втора шанса“ 200 граѓани од земјава ќе имаат можност да го завршат своето средно стручно образование. Оваа програма ќе се спроведе од страна на средни стручни училишта за следните струки: Машинска, Електротехничка, Угостителска и Градежна.

Во тек е кампања која агенцијата ја спроведува за информирање на јавноста преку организирани средби во сите региони во државата.

„Врз основа на податоците со кои располагаме и со намера да им се помогне на невработените лица со пониски квалификации и пониско ниво на образование, оваа пилот програма беше конципирана и отворена како можност за невработени лица со незавршено средно стручно образование – 3-та година од стручното образование за занимања (тригодишно образование) или 4-та година од техничкото образование (четиригодишно образование). Заинтересираните лица при пријавувањето треба да приложат оригинал од свидетелствата кои ги имаат. Сите лица кои ќе бидат селектирани и ќе учествуваат во програмата „Втора шанса“ ќе добијат диплома за завршено средно стручно образование, која не ја стекнале додека биле вклучени во редовниот образовен процес“, објасни Наташа Здравковска, координатор на ИПА проектот „Активација на ранливи групи на пазарот на трудот“.

Во тек е отворен оглас за пријавување сѐ до исполнување на предвидениот опфат од 200 учесници. Може да се пријават невработени лица кои немаат завршено средно стручно образование и спаѓаат во ранливите целни групи на проектот: корисници на гарантирана минимална помош; млади лица до 29 години; Роми; жени; лица со попреченост и долгорочно невработени лица (над 12 месеци во евиденција). Заинтересираните кандидати треба во најкраток можен рок да се пријават во Центрите за вработување, каде редовно се евидентираат како невработени лица. Поднесувањето на пријавите можат да го направат секој работен ден од 08:00 до 14:00 часот.

Повеќе детални информации може да се добијат во работните клубови на 30-те Центри за вработување на Агенцијата за вработување на Република Северна Македонија, контакт телефонот 02/3111-850 и веб страната www.av.gov.mk, како и од ИПА канцеларијата на [email protected]

ИЗВОР: kurir.mk

VERO JUMBO MACEDONIA

EVN MACEDONIA

MARKETING

ЛОКАЛНИ ИЗБОРИ 2025

Претходно

Најсмртоносната авионска несреќа во Непал: Нема преживеани, се бара последното тело, идентификацијата отежната

Следно

Изречени казни за 129 возачи во Скопје

Latest from Blog

Двојни аршини во Битола?

Последниве денови сведоци сме како некои профили, меѓу кои и „Поинаку во Битола“, си земаат право да навредуваат, потценуваат и пцујат луѓе по социјалните мрежи и тоа без трошка срам, без ниту

Меџити: Чаир ќе отвори нови работни места и ќе обезбеди квалитетни услуги за граѓаните

Изет Меџити, кандидат за градоначалник на општина Чаир, најави нов пристап за зголемување на буџетот и финансиските можности на општината преку европските фондови, со посебен фокус на програмата Horizon Europe. „Приоритет ни

Српскиот бизнисмен негира дека е во врска со екс сопругата на Харис Џиновиќ, Мелина

Богатиот Спасојевиќ за српските медиуми остро ги негираше вестите дека е новиот вереник на Мелина.  „Информациите немаат никаква врска со вистината. Толку за српското новинарство“, изјавил Топлица. Инаку, веќе два дена на социјалните мрежи кружат

Панел на САНУ: Во Србија за 20 години бројот на жени во репродуктивен период е намален за 450.000

Тоа е податок што не треба да чуди бидејќи во државата се раѓаат се помалу бебиња, објави денеска Политика извештај од панел на САНУ.  „Резултатите од бројни истражувања покажуваат дека постои голем

Трамп ѝ даде зелено светло на ЦИА за спроведување тајни операции во Венецуела

Доналд Трамп, претседателот на Соединетите Американски Држави, ги потврди претходните извештаи на некои американски медиуми дека ја овластил ЦИА да спроведува тајни операции во Венецуела. „Давам зелено светло за овие операции од
Go toTop