Една година од новата влада. За власта горда Македонија за опозицијата понижена. Премиерот Мицкоски и денеска одговарајќи на новинарски прашања како го цени едногодишното владеење посочи дека е завршена етапата на билатерални договори на штета на државата, а тоа рече се очекува да биде потврдено и во вторникот на комисијата за надворешна политика во рамките на Европскиот парламент каде мнозинството ќе се изјасни и ќе гласа во корист на Македонија, на македонскиот идентитет и јазик, иако како што рече имало сериозни притисоци на штета на идентитетот од страна на одредени европратеници и групации.
Првиот опозиционер Венко Филипче пак денеска со критика за едногодишното владеење на ВМРО-ДПМНЕ, ВРЕДИ и ЗНАМ дека како што рече Македонија не може да биде горда со платите кои македонските граѓани ги земаат, правдата која ја нема а нема ниту визија за младите и долговите кои ќе останат на идните генерации .Во фокусот на говорот на Филипче и истрагата за случувањата во Кочани.
Новата влада која седна на Илинднска пред една година дојде со реконструкција на дел од постоечките но и нови министерства. Она што претстои периодот како приоритет се и реформски закони на патот кон евроинтеграциите за кои неаодамна премиерот тврдеше дека не е потребен бадентер, но дека постојат и такви кои се носат со двотретинско мнозинство иако проблемот со бадентерот за сега се уште постои откако Таравари ја напушти власта а пак парламентарното мнозинство иако тврдеше дека е стабилно исто така тврдеше дека се и во преговори за проширување.
Извор: 24vesti.mk
