Харис Џиновиќ повикал полиција кога неговата поранешна сопруга Мелина Џиновиќ упаднала во вилата во Сењак и не сакала да ја напушти. Популарниот пејач пет часа давал изјава во полициска станица за нападот на поранешната сопруга.
Како што изјави пејачот за српски Курир, тој не бил во куќата кога дошла Мелина.
– Мелина упадна во куќата, ме нападна вербално, не физички! Таа ми кажа дека има право да влезе, а јас веднаш повикав полиција. Не мора физички да ме нападне, психички е многу полошо, вербално! Јас самиот не ја знам причината зошто таа дојде. Цело време се обидувам да ја дознаам причината со полицијата. Кога пристигнала во куќата, направила кафе и седнала, но очигледно немала намера да излезе. Кога дојдов таа беше инаетлива и почна да ме провоцира, на што ѝ реков дека мора да излезе од домот и дека може да си ги земе работите и да излезе надвор, но таа не сакаше. Кога мирно ѝ реков да излезе повторно, таа рече „секое метро од оваа куќа ми припаѓа мене колку што ти припаѓа тебе“ на што ѝ реков „ако судот каже дека е твоја“ – вели Харис.
Кога патролата пристигнала на местото на настанот и двајцата изјавиле дека немало никакви инциденти меѓу нив, по што дале изјави за тоа што се случило.
– Моето однесување кон неа во ниту еден момент не ги премина границите на пристојноста, па таа самата немаше што да се жали на патролата која пристигна на лице место. Исто така, иако имам дозвола за оружје, превентивно го предадов во полиција, па оружјето беше привремено одземено и од полицијата ми кажаа дека ќе биде вратено бидејќи сѐ е во ред. И ме препознаа по смиреноста и достоинственото однесување во оваа ситуација – вели популарниот пејач за Курир.
На прашањето дали верува во втора шанса, тој одговори:
– Ситуацијата со неа е мртва. Тоа е како да не постои. Како да му верувам повторно на предавник? Тоа нема смисла – рече тој
Да потсетиме, пејачот пет часа, како што пренесуваат медиумите, давал изјава во полиција во врска со упадот на поранешната сопруга, а по постандардна постапка и на двајцата им била изречена мерка забрана за доближување.
Извор: kurir.mk
