За Хезболах нападот во Бејрут нема да помине без казна, Израел подготвен на највисока борбена готовност

Вечерва Хамас објави дека една од жртвите во нападот на јужниот дел на либанската престолнина Бејрут е високиот функционер Салех Ал Арури

Во последните неколку минути Хезболах го сподели својот одговор на нападот во кој загинаа Салех Ал Аруриm заменик-шефот на политичкото биро на Хамас, како и двајца команданти на неговото вооружено крило, информира Би-би-си.

Израел вечерва не ја презеде одговорноста за нападот.

Се обратил и портпаролот на израелските одбранбени сили, Даниел Хагари кој истакнал дека израелската армија е во највисока борбена готовност.

Тој директно не смомнал за можна инволвираност во случувањата во Бејрут.

„Ние сме во состојба на максимална борбена готовност и подготвеност за секое сценарио. Најважното нешто што мораме да го кажеме вечерва е дека сме фокусирани и ќе останеме фокусирани на борбата против Хамас“,

рече Хагари без да го спомене убиството на Ал- Арури.

Хезболах вели дека убиството на еден од водачите на Хамас претставува сериозен напад врз Либан и опасен развој во текот на војната.

„Ова нема да помине без одговор или казна“,

се додава во соопштението од Хезболах.