За дивата струшка депонија ќе се расправа пред Европскиот суд за човекови права во Стразбур

За разлика од домашните судови кои се прогласија за ненадлежни, Европскиот суд за човекови права во Стразбур извести дека ја допушти апликацијата поднесена во врска со дивата струшка депонија. Ова значи дека Стразбур ќе расправа за еден од најголемите еколошки и здравствени проблеми во Струга – депонија која се наоѓа на само 500 метри од првите куќи, во близина на реката Црн Дрим и на два километри од Охридското Езеро.