Популарната платформа е критикувана откако корисниците открија постоење на нецензурирана содржина што е видлива за сите.
YouTube се соочува со критики од корисниците откако беше откриено дека на платформата сè уште може да се најдат нецензурирани експлицитни фотографии, кои се видливи за корисниците кои не се најавени.
Проблемот првпат беше истакнат на Reddit, каде што корисниците истакнаа дека одредени слики од профили на YouTube канали со експлицитна содржина лесно може да се најдат преку пребарување. Иако самите канали често не објавуваат порнографски видеа, тие содржат линкови до плејлисти со содржина за возрасни.
Особено загрижувачки е фактот што овие фотографии се достапни за сите, вклучително и малолетни корисници, што ја доведува во прашање ефикасноста на системот за модерација на платформата. Некои од спорните канали имаат стотици илјади претплатници, додека некои од видеата поврзани со нив бележат милиони прегледи.
YouTube претходно воведе функција за автоматско замаглување на сликички за содржина означена како „за возрасни“, но мерката не се однесува на фотографиите од профилот, оставајќи простор за злоупотреба.
Засега, Google, кој е сопственик на YouTube, не објави никакви најави во врска со овој случај, ниту пак најави евентуални измени во правилата или технички решенија.
Извор: kurir.mk
