Вучиќ пред состанокот со Лајчак: Ќе зборуваме за тоа што можеме да направиме, а не за што можеме да сонуваме

Специјалниот претставник на Европската Унија за Западен Балкан Мирослав Лајчак денеска ја започнува посетата на Белград, како дел од подготовките за претстојната средба меѓу српскиот и косовскиот лидер во Охрид, Александар Вучиќ и Албин Курти

Денеска и утре ќе бидам со Лајчак и ќе се обидам да зборуваме за тоа што можеме да направиме, а не за што можеме да сонуваме. Ако некој не е спремен ни да зборува, а камоли да го спроведе ЗСО, не знам што е поентата. Но, еве, да не зборувам ништо повеќе од тоа – изјави денеска српскиот претседател Александар Вучиќ пред средбата со Мирослав Лајчак, специјалниот пратеник на Европската Унија за дијалог меѓу Белград и Приштина.

Тој најави дека ќе ѝ се обрати на јавноста во среда или четврток, пред неговото патување во Охрид, кога ќе каже како гледа на ситуацијата, што мисли за се и што ќе прави Србија во наредниот период.

Специјалниот претставник на Европската Унија за Западен Балкан Мирослав Лајчак денеска ја започнува посетата на Белград, како дел од подготовките за претстојната средба меѓу српскиот и косовскиот лидер во Охрид, Александар Вучиќ и Албин Курти.

Лајчак денеска во 14:30 часот ќе се сретне со Вучиќ, по минатонеделниот дводневен престој во Приштина, каде разговараше со Курти и други политички актери.

Во фокусот на разговорите ќе биде патоказот за имплементација на Договорот за патот кон нормализација на односите меѓу Косово и Србија, за кој Вучиќ и Курти, според шефот на европската дипломатија Жозеп Борел се согласиле на 27 февруари во Брисел.

Известувачката на Европскиот парламент за Косово Виола фон Крамон, денеска изрази силна надеж дека ќе се постигне договор меѓу Косово и Србија на 18 март во Охрид, каде што ќе се одржи следната средба на високо ниво во рамки на меѓусебниот дијалог.

Фон Крамон на Твитер напиша дека овој договор би бил важен чекор за европската интеграција на двете земји.

Нејзиниот твит беше одговор на твитот на германскиот амбасадор на Косово, Јорн Роде, кој ги повика Белград и Приштина „да не го пропуштат возот“.

Can’t agree more.
Hope so much that we will see both signatures 🇽🇰 and 🇷🇸 under the agreement at the end of next week in #Ohrid
This will be a major step towards 🇪🇺 integration for both countries. https://t.co/X7M792FaKJ

— Viola von Cramon 🇺🇦🇪🇺 (@ViolavonCramon) March 12, 2023

Косовскиот премиер Албин Курти и српскиот претседател Александар Вучиќ се очекува да се сретнат на 18 март во Охрид за да го потпишат француско-германскиот или европскиот договор.