БЕЛГРАД (АА) – Претседателот на Србија, Александар Вучиќ, оствари средба со Мирослав Лајчак, специјалниот претставник на ЕУ за дијалогот меѓу Белград и Приштина, пренесува Анадолу.
Информацијата преку писмено соопштение ја потврди српското Претседателство.
Во соопштението се наведува дека Вучиќ и Лајчак се сретнале во српскиот главен град Белград.
Српскиот претседател на средбата со Лајчак нагласи дека неговата земја е за дијалог.
Тој рече дека се за намалување на тензиите со цел да се обезбеди опстанок за Србите во северниот дел на Косово.
Вучиќ укажа на важноста од зачувување на мирот и стабилноста во регионот.
Според него, меѓу приоритетите на неговата земја е формирањето на „Сојузот на српските општини“ во општините со српско мнозинство во Косово.
