Времето денеска претежно сончево, од утре дожд и постудено

Денеска времето ќе биде сончево со мала до умерена облачност. Ќе дува слаб до умерен ветер претежно од југоисточен правец, информираат од УХМР.

Утринската темпетарура ќе се движи од -4 до нула степени, а дневната ќе се искаќи до 16 степени.

Во Скопје слично време со утринска температура од -1 степен, а дневна температура од 15 степени.

Промена на времето настапува од утре, велат од УХМР. Утре и во среда ќе преовладува променливо облачно време со локален слаб дожд и со умерен северен ветер, а дневната температура малку ќе опадне. Потоа во следните два дена времето ќе биде сончево со умерена облачност, а ќе дува слаб до умерен ветер од јужен и југоисточен правец.