Камерниот оркестар „Скопски солисти“ вечер во камерната сала на Филхармонијата со почеток во 20:00 часот ќе одржи концерт со наслов „Волшебна музика“. Како солист со Камерниот оркестар ќе настапи пијанистката Марија Ѓошевска, а диригент ќе биде Бисера Чадловска.
На концертот ќе бидат изведени дела од Перголези, Моцарт, Барбер, Илин и Шостакович.
Камерниот оркестар „Скопски солисти“ се појави на македонската музичка сцена во 2000 година. Оваа благородна и убава идеја, по примерот на загрепскиот, софискиот и други слични оркестри на Балканот, ја реализираше нашиот реномиран обоист, професор м-р Васил Атанасов, кој е и уметнички раководител на ансамблот.
ИЗВОР: racin.mk
