Во украински напад со дрон врз рускиот град Воронеж повредени три лица

МОСКВА (АА) – Најмалку три лица се повредени во украински напад со дрон изведен денес врз станбена зграда во рускиот град Воронеж, соопшти гувернерот Александар Гусев, пренесува Анадолу.

„Според првичните информации, беспилотно летало извршило напад на станбена зграда на улицата Белински во Воронеж. … Три лица се погодени со шрапнели, но одбија да бидат хоспитализирани“, соопшти гувернерот Гусев преку Телеграм.

Руските медиуми јавија дека зградата била оштетена на вториот и третиот кат, што довело до делумно уништување на неколку стана.

На местото на настанот се наоѓаат специјални и спасувачки служби, истакна Гусев.

Вооружените сили на Украина, според Москва, во изминатите месеци имаат извршено серија напади врз пограничните региони на Русија, особено во Бријанск и Белгород, со дронови и артилерија.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS)..