Во Туркије, од Либан, евакуирани уште 169 турски граѓани

АНКАРА (АА) – Чартер лет со 169 турски државјани евакуирани од Либан слета денес на Аеродромот Истанбул, јавува Анадолу.

Летот пристигна во Истанбул откако претходно слета на аеродромот Чукурова во Адана, јужна Туркије, каде што се симнаа 110 патници.

По пристигнувањето во Истанбул, преостанатите патници пред новинарите ја изразија нивната среќа и олеснување што се вратиле во Туркије.

По прегледите на пасошите и подигнувањето на багажот тие го напуштија аеродромот.

Туркије организираше евакуација на турските државјани со чартер лет кој тргна од Бејрут во 9 часот утрово, како дел од тековните активности за осигурување на безбедноста на своите граѓани поради континуирани израелски напади во Либан.

Бродовите на турската морнарица претходно евакуираа речиси 1.000 луѓе од Либан, меѓу кои 878 турски државјани и 24 на Турската Република Северен Кипар.

Од 23 септември, Израел врши смртоносни напади низ Либан против, како што вели, позиции на Хезболах, во коишто загинаа над 1.500 луѓе, а над 4.500 се повредени.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.