Маркетите во Тетово беа делумно бојкотирани.
Можеа да се видат граѓани кои купуваат основни продукти за дома, повеќето леб.
Тие што ги прашавме, велат дека го поддржуваат бојкотот за намалување на цените бидејќи сметаат дека цените се превисоки споредено со стандардот.
-Дали ќе купувате денеска?
„Јас не, за другите не знам“.
-Дали цените се високи?
„И тие се, не малку, туку превисоки, за нас што сме овде со нашите стандарди, тие се високи, но што да правиме“.
„Цените се високи, проблем е што некој има некој нема, а и трошоците, велат платите ги земаме, каква плата од 150 евра, како да се живее, како ќе се грее тој со толку плата, како ќе плати струја, како ќе плати. Тоа е катастрофа! Денеска треба да се бојкотираат маркетите, купивме нешто. Купивме ситници, леб, но не големи работи“.
„Но, иако го знам ова, ги поддржувам. Но, цените се колку платите, цените се високи“.
-Дали мислите дека бојкотот треба да продолжи?
„Вака не може човек да живее, овде не зборуваат како што дал Господ, подобри се работите во Германија отколку кај нас, разбираш албански?!“
„Скапи се, нормално се скапи, не можеш со една плата да си дозволиш“
-Дали мислите дека треба да се преземат други мерки за намалување на цените?
„Мора да, има некој што воопшто нема плата и така поминуваат“.
За време додека екипата на ТВ21 беше на терен во Тетово, повеќето маркети немаа толку многу купувачи како претходните денови. Некои почнаа да ги намалуваат цените на одредени артикли. Не забележавме екипи на пазарниот инспекторат.
ИЗВОР: ТВ 21
