МЕКСИКО СИТИ (АА) – Најмалку 17 мигранти загинаа откако автобус со кој патуваа излета од патот во централната мексиканска држава Пуебла, соопштија официјални лица, пренесува Анадолу.
„Сите загинати се мигранти, меѓу кои има лица од Венецуела, Колумбија и од Централна Америка“, соопшти Хулио Уерта, државниот секретар за внатрешни работи на Пуебле.
Уерта изјави дека несреќата се случила во неделата. Мигрантите патувале без соодветни документи и сите биле полнолетни, информираше Уерта.
Петнаесет од 45 патници ги загубија животите на местото на несреќата, а уште две лица починале во болница. Петмина повредени се хоспитализирани и се наоѓаат во критична состојба, а осуммина се со повреди кои не се опасни по живот.
Мигрантите често користат различни рути низ Мексико на својот пат кон САД. Тие често се транспортираат во пренатрупани возила или илегални превозни средства, така да несреќите не се невообичаени.
Извор: www.aa.com.tr
