Во главниот град на Словенија, Љубљана, се одржа протест со цел да се привлече вниманието кон влошената хуманитарна состојба во Газа, каде што Израел ги интензивира своите напади, јавува Анадолу.
Демонстрантите се собраа на Плоштадот на Републиката во главниот град, држејќи транспаренти на кои пишуваше „Газа е гладна, што прави Владата?“ и „Словенија, дејствувај за да го запреш геноцидот во Газа“.
Организаторите на протестот изјавија дека илјадници луѓе во опустошената енклава секојдневно се соочуваат со глад, жед и смрт без меѓународна интервенција и ја пренесоа пораката дека и Словенија има одговорност за запирање на геноцидот во Газа.
Организаторите изјавија дека Палестинката Сара Хамед Елкарнави, која утре требаше да присуствува на фестивал во словенечкиот град Снежник преку видеоконференција, е убиена од израелски војници на 2 август. „Имаше само 10 години. Таа беше убиена заедно со нејзините родители, браќа и сестри“, рекоа тие.
На 4 август во Словенија се одржа собир во знак на протест поради нејциното убиство.
Извор: Anadolu Agency (AA)
