Во пукањето во Прага, 15 мртви и над 24 повредени, напаѓачот бил 24-годишен студент

Чешката полиција попладнево соопшти дека во престрелката се убиени 15 лица, а сторителот на денешното пукање бил 24-годишен студент на Карловиот универзитет

Во однос на тоа дали имало друг напаѓач, чешкиот министер за внатрешни работи Вит Ракушан во изјава за чешките медиуми вели дека таквите информации не се потврдени

Според чешката полиција, сторителот на денешното пукање бил 24-годишен студент на Карловиот универзитет.

Претставникот на полицијата Мартин Вондрашек на брифинг со новинарите рече дека има повеќе од 15 загинати и 24 повредени, но дека тоа можеби не се конечни бројки.

Според Вондрашек, насилникот бил инспириран од слични престрелки во странство, пренесува „Гардијан“.

Чешките служби за итни случаи, пак, известуваат дека 11 лица се загинати, меѓу кои и напаѓачот, во пукањето што попладнево се случи на Карловиот универзитет во Прага.

Службата за итни случаи информира дека во пукањето од 24-та повредени, девет лица се во тешка состојба, пет до шест се со умерени повреди, додека 10 лица се со полесни повреди. Оттаму напоменуваат дека бројките не се конечни бидејќи се уште има лица кои не ја напуштиле зградата на факултетот.

Střelba na FF UK: 11 mrtvých osob včetně útočníka, 9 vážně zraněných, 5-6 středě vážně zraněných, do 10 lehce zraněných. Počty se ještě mohou měnit.

— ZZS HMP (@zzshmp) December 21, 2023

Чешката полиција информира дека се уште трае евакуацијата на зградата на факултетот бидејќи дел од студентите останале забарикадирани во училниците.

Чешкиот министер за внатрешни работи Вит Ракушан во објава на својот фејсбук-профил потврди дека напаѓачот е убиен и ги повика граѓаните кои се движат во центарот на Прага строго да ги почитуваат инструкциите на полицијата, да ги почитуваат сите затворања поставени од полицијата и да не одат на местото за да ја видат ситуацијата за да не ја комплицираат интервенцијата.

Во однос на тоа дали имало друг напаѓач, Ракушан во изјава за чешките медиуми вели дека таквите информации не се потврдени.

„Информацијата за уште едно пукање во зградата на Филозофскиот факултет не е потврдена од полицијата на Чешка“,

додава Ракушан.

На официјалниот профил на Икс, од канцеларијата на чешкиот претседател Петр Павел напишаа дека тој итно се враќа од Франција и оти веднаш потоа ќе се сретне со безбедносните сили.

Prezident republiky Petr Pavel se urychleně vrací ze služební cesty z Francie, ihned po návratu se setká s bezpečnostními složkami státu.

— Kancelář prezidenta republiky (@hradmluvci) December 21, 2023

Претседателот, пак, на својот профил на Икс изрази жалење и искрено сочувство до семејствата и роднините на загинатите.

„Шокиран сум од настаните на Филозофскиот факултет на Карловиот универзитет. Би сакал да изразам длабоко жалење и искрено сочувство до семејствата и роднините на жртвите. Сакам да им се заблагодарам на граѓаните што ги почитуваа упатствата на безбедносните сили и обезбедија максимална соработка“,

напиша Павел.

Jsem šokován událostmi na Filozofické fakultě Univerzity Karlovy. Chtěl bych vyjádřit hlubokou lítost a upřímnou soustrast rodinám a příbuzným obětí, které si střelba vyžádala. Chci poděkovat občanům, že respektují pokyny bezpečnostních složek a poskytují maximální součinnost.

— Petr Pavel (@prezidentpavel) December 21, 2023

По нападот на Карловиот универзитет, на платформата Икс се огласи и претседателката на Европската Комисија, Урсула фон дер Лајен која напиша дека е шокирана од бесмисленото пукање.  

„Шокирана сум од бесмисленото пукање кое денеска однесе неколку животи во Прага. Изразувам длабоко сочувство до семејствата на жртвите и до чешкиот народ во целина. Стоиме и тагуваме со вас“,

напиша Фон дер Лајен.

Shocked by the senseless violence of the shooting that claimed several lives today in Prague.

I express my deepest condolences to the families of the victims and to the Czech people as a whole.

We stand and mourn with you.

— Ursula von der Leyen (@vonderleyen) December 21, 2023

По пукањето на Карловиот универзитет на социјалните мрежи може да се видат видеа во кои се гледа како посетителите на плоштадот во Прага бегаат да се засолнат, откако ги слушнале пукотниците.

Чешките медиуми пишуваат дека ова е најтрагичниот настан во историјата на земјата. Последен пат вакво нешто се случило во болница во 2019 година, кога загинале шест лица. Претходно во 2015 година во близина на Ухерски Брод биле убиени осум лица.