Во прекин сообраќајот меѓу Кочани и Виница поради голема количина вода на патот и затворени испусни канали

АМСМ известува дека од вечерва патниот правец помеѓу Кочани и Виница е во прекин, поради голема количина на вода присутна на коловозот.

„На 04.08.2025 година, во периодот од 20:40 часот, патниот правец Р1304 Кочани – Виница – село Смојмирово е во прекин поради голема количина вода насобрана на коловозната лента и затворени испусни канали кај објектите на фирмите „Леда вин“ и „Ирибов“. Сообраќајот е пренасочен преку селата Зрновци, Јакимово и Истибања“, стои во соопштението на АМСМ.