Според последните резултати на ДИК, во новиот парламентарен состав ќе има 41 пратеничка, но потребни се уште 7 од сите партии за да се достигне прагот на родова застапеност во Собранието. Тоа значи дека со Донтовата формула се создава простор за следната жена кандидат на листите, без разлика од која партија, но таа мора да биде во рамките на истата изборна единица.
Мандати на пратеници во новиот состав:
Од 58 мандати на ВМРО ДПМНЕ, 23 се пратенички
Од 19 мандати на коалицијата „Европски фронт“, 5 се жени
Од 18 мандати на коалицијата на СДСМ, 7 се жени
Од 13 мандати на коалицијата ВРЕДИ, 3 се жени
Од 6 мандати на движењето ЗНАМ, 2 се жени
Од 6 мандати на партијата Левица, 1 е жена.
Во 1-та ИЕ вкупно 6 пратеници се жени: 4 од ВМРО и 2 од СДСМ. Во 2-та ИЕ вкупно 5 пратеници се жени: 2 од ВМРО, 1 од Европскиот фронт, 1 од коалицијата ВРЕДИ и 1 од Движењето ЗНАМ. Во 3-та ИЕ вкупно 7 пратеници се жени: 6 од ВМРО и 1 од СДСМ. Во 4-та ИЕ исто така има 7 пратенички: 5 од ВМРО и 2 од СДСМ. Во 5-та ИЕ се 8 пратенички: 4 од ВМРО и по 1 од СДСМ, ЕФ, ВРЕДИ, ЗНАМ и Левица.
40 отсто од пратеничките места во Собранието се резервирани за пратенички, што значи дека 48 жени од 120 пратеници ќе бидат во новиот пратенички состав. Но, се уште е рано за конечната листа за застапеност на жените во законодавниот дом, бидејќи од партиите што ќе дојдат на власт носителите на листите најчесто добиваат министерски места и други државни функции.
Аднан Ќаили
Извор: alsat.mk
