Во напад на израелската армија врз болницата Шифа убиени се повеќе од 150 Палестинци

КУДС (АА) – Повеќе од 150 Палестинци се убиени, а досега се приведени стотици во нападот на израелската армија врз болницата Шифа во Појасот Газа, јавува Анадолу.

Во соопштението на израелската армија се наведува дека продолжуваат операциите на воените сили и на Организацијата за внатрешна безбедност Шин-Бет (Шабак) во областа на болницата Шифа.

Се наведува дека повеќе од 150 Палестинци се убиени, а досега се приведени стотици Палестинци во рацијата на болницата и нејзината околина на 18 март.

Исто така, се наведува дека операциите продолжуваат во регионот Ал-Карара во градот Кан Јунис, на јужниот дел на Газа.

Израелската армија изврши рација во болницата Шифа на 18 март и го опколи комплексот каде што се засолнуваа раселените Палестинци.

Веќе четири дена траат интензивни напади на израелската армија околу болницата Шифа, која израелската армија веќе неколкупати ја нападна.

Палестинските медиуми објавија дека израелската армија вчера со експлозив разнела зграда во кампусот на болницата Шифа.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.