Во израелските напади врз Газа убиени речиси 1.100 палестински бебиња

АНКАРА (АА) – Речиси 1.100 палестински бебиња се убиени во израелските напади врз Газа од октомври 2023 година, јавува Анадолу.

Канцеларијата за медиуми на владата на Газа соопшти дека 1.091 бебе ги загубиле животите во текот на израелските напади, меѓу кои 238 новороденчиња.

Израел започна геноцидна војна врз Појасот Газа, по нападот на Хамас на 7 октомври 2023 година, и покрај резолуцијата на Советот за безбедност на Обединетите нации (СБОН) со која се бара итен прекин на огнот.

Според локалните здравствени власти, оттогаш се убиени над 45.550 Палестинци, главно жени и деца, а над 108.300 се повредени.

Тел Авив воведе и блокада на палестинската енклава, оставајќи го целото население на работ на глад.

Локалните здравствени власти во понеделникот соопштија дека најмалку седум лица, меѓу кои шест бебиња, премрзнале до смрт поради израелската блокада на енклавата.

Во ноември, Меѓународниот кривичен суд издаде налози за апсење на израелскиот премиер Бенјамин Нетанјаху и неговиот поранешен министер за одбрана Јоав Галант за воени злосторства и злосторства против човештвото во Газа.

Израел се соочува и со случај за геноцид пред Меѓународниот суд на правдата за неговите постапки во енклавата.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.