ГАЗА (АА) – Најмалку 84 Палестинци синоќа се убиени, меѓу кои повеќе од 50 се деца, во два брутални масакри насочени врз палестинските домови во северниот дел на Газа, подрачје кое израелската армија го држи под цврста опсада околу еден месец, известува Анадолу.
Во соопштението на владината канцеларија за медиуми во Газа се наведува дека израелската армија бомбардирала згради во северниот дел на Газа, во кои биле сместени 170 цивили.
Во два брутални масакри што ги изврши окупаторската израелска армија, животот го загубија 84 лица, од кои повеќе од 50 се деца, а на десетици се водат за исчезнати под урнатините или се повредени“, се вели во соопштението.
Се нагласува дека „Израел извршил геноцид во Газа“ и дека цел на израелската армија биле зградите во кои се засолниле цивили и раселени Палестинци.
Тимовите за медицинската и цивилната заштита не можеле да ги исполнат своите задачи бидејќи кон ниво било пукано во северниот дел на Појасот Газа, место кое израелската армија под цврста опсада го држи околу еден месец.
Здравствените власти во палестинската енклава информираат дека израелската армија таргетирајќи ги болниците, намерно го урива здравствениот систем во северниот дел на Газа, ставајќи ги надвор од употреба.
Извор: Anadolu Agency (AA)
