Во изминатите четири дена во Грција биле откриени и спасени над 580 бегалци и мигранти

October 8, 2024
1 min read

Во 18 одвоени случаи во морските делови кај островите во Егејското море што се во близина на турското крајбрежје и во јужниот дел на островот Крит, во изминатите четири дена биле откирени и спасени 588 бегалци и мигранти и уапсени 22 криумчари, јави дописничката на МИА од Атина.

Доколку се анализираат секојдневните официјални податоци од крајбрежната служба на Грција, мигрантите најчесто се превезувале во чамци или едрилици во групи од 18 до 70 лица, а заедно со нив биле и криумчарите, кои се упасени.

Во периодот од петокот до вчера, нешто помалку од половина од откриените лица, односно 263 се во близина на малиот остров Гавдос што е најјужната точка и на Грција и на Европа, а најчесто мигрантите оваа рута ја користат за од Либија да стигнат во Италија.

Мигранти биле откриени и во близина на Крит што е исто така дел од т.н. јужна рута, додека пак од турското крајбрежје кон грчките острови Самос, Родос, Сими Кос, Лезбос и Агатоноси имало нешто помалку од 200 лица.

Во спасувачките акции што ги води крајбрежната служба, помагаат и товарни бродови и други пловни средства што се во непосредна близина.

За општата ситуација со мигрантското прашање во Грција портпаролот на грчката Влада Павлос Маринакис во интервју за државната телевизија ЕРТ, посочи дека е намален бројот на мигранти кои престојуваат во земјата, објаснувајќи дека тоа се должи на владината политика, односно „планот за заштита на границите, строга, но праведна миграциска политика и на копно и во море, промена на процесот на давање азил“, но и „притисок кон Европа“ дека не може Грција, „границата на Европа, да го носи целиот товари“. (МИА)

Извор: kurir.mk

VERO JUMBO MACEDONIA

EVN MACEDONIA

MARKETING

ЛОКАЛНИ ИЗБОРИ 2025

Претходно

Момчето убиец од Рибникар: Се чувствував отфрлено од децата и затоа го направив тоа

Следно

Објавен извештајот за починатото 14-месечно бебе

Latest from Blog

Тони Коњановски убедливо победи во првиот круг во Битола

Актуелниот градоначалник на Битола, Тони Коњановски, оствари убедлива победа уште во првиот круг на локалните избори. Според неофицијални информации од неговиот изборен штаб, Коњановски освоил 18.753 гласа, односно околу 51% од излезените

Тони Коњановски убедливо води во трката за градоначалник на Битола

Според неофицијални податоци од партиски извори, Тони Коњановски води убедливо во трката за градоначалник на Битола. Од обработени 163 избирачки места од вкупно 170, Коњановски освои 51% од гласовите, што изнесува приближно

Меџити: Историјата се пишува со храброста на народот

Изет Меџити, кандидатот за градоначалник на Општина Чаир од коалицијата ВЛЕН, оствари значајна победа на локалните избори, објави тој на својата официјална страница. Во обраќањето до граѓаните, Меџити изрази искрена благодарност до
Go toTop