Во Грција денеска беснееле 81 пожар, за еден од нив уапсени се две лица

Климатската криза е тука, пожари имаше, имаме и ќе имаме, а државниот механизам прави сè што е можно за справување, рече Кикиљас

Осумдесет и еден пожар денеска биле регистрирани во Грција, објави вечерва министерот за климатски кризи и цивилна заштита, Василис Кикиљас. Според него четири од пожарите биле посериозни, а сите биле предизвикани дали од невнимание, од криминална небрежност или од потпалување.

Кикиљас вели дека во четирите големи пожари интервенирале вкупно 544 пожарникари со 198 возила, а од воздух периодично гаснењето било со 23 авиони, 18 хеликоптери.

За еден од пожарите, како што вели Кикиљас, уапсени се две лица, пренесуваат грчките медиуми.

„Климатската криза е тука, пожари имаше, имаме и ќе имаме, а државниот механизам прави сè што е можно за справување“,

рече Кикиљас.

One more summer, somewhere near Athens, #Greece. #wildfires #φωτια pic.twitter.com/CM2GPpxDUo

— Savvas Karmaniolas (@savvaskarma) July 17, 2023

Тој, исто така,рече дека обезбедено е сместување во хотели за оние чии домови изгореа или претрпеа материјална штета.

„Граѓаните чии домови беа погодени од пожарите можат да бидат сместени во хотели. Апелирам до граѓаните утре да покажат огромна претпазливост, бидејќи денот ќе биде подеднакво тежок поради екстремните временски услови“,

рече тој.

After a lull, the wildfire season in Greece has begun.

A large fire has broke out in the Attica Region of the county, which incorporates Athens.

Evacuations have been ordered, including a children’s camp of 1,200 kids. The cause is under investigation. pic.twitter.com/A6bioVPgsq

— The Hotshot Wake Up (@HotshotWake) July 17, 2023

Во Грција активни се три пожари на три различни локации, еден во источниот дел на областа Атика, поширокиот регион на Атина, каде што изгореа голем број домови, другиот на Пелопонез во близина на Коринт и третиот во областа Виотија во централна Грција.

Another blaze near #Loutraki, 81 kilometers (50 miles) west of #Athens. Three summer camps with around 800 children were evacuated, according to the state broadcaster ERT. https://t.co/B5tCakpEt3

— Daphne Tolis (@daphnetoli) July 17, 2023

На жителите на Атика, денешните пожари, им ги враќаат сеќавањата од огнената катастрофа што им се случи пред точно пет години во јули 2018 кога загинаа 104 лица, а над 700 беа евакуирани.