Регионалните власти во Белгород за гранатирањето ги прозиваат украинските сили, а паравоената и антивладина група Легија на слободата на Русија вели дека виновни за двете жртви се руските сили бидејќи го згрешиле автомобилот што го нападнале
Во последните гранатирања во руската погранична област Белгород, убиени се две жени, тврдат руските власти кои за нападите ги обвинуваат украинските сили.
Според тврдењата на гувернерот Вјачеслав Гладков, двете жени загинале кога биле погодени од шрапнели додека се движеле со автомобил во близина на селото Маслова Пристан.
И властите од соседните регионот на Белгород, Брајнск и Курск, тврдат дека во текот на претходната ноќ напади имало и таму при што имало оштетувања на згради.
Инаку, според тврдењата на Гладков, во Белгород само во изминатите 24 часа повредени се и девет лица.
Украина засега не коментира, пишува Би-би-си. Сепак, официјален Киев негираше вмешаност во претходните напади што се случија на руска територија близу границата, а за кои одговорноста ја презедоа руски антивладини паравоени групи.
Слично е и сега. Една од најпознатите вакви групи, Легија на слободата на Русија објави дека учествувала во воени операции кај селото Новаја Таволжанка, кое е во близина на местото каде загинале двете жени.
Од оваа група, во објава на социјалните мрежи денеска наведоа дека имало две цивилни жртви се убиени откако руските сили ги погодиле бидејќи го помешале автомобилот во кој биле жртвите со возилото во кое се наоѓале припадници на нивна Легија.
Извор: 360stepeni.mk
